ته‌قینه‌وه‌یه‌ك له‌ چین كوژراو برینداری‌ لێكه‌وته‌وه‌

به‌پێی‌ هه‌واڵێكی‌ ته‌له‌فیزیۆنی‌ فه‌رمی‌ حكومه‌تی‌ چین، رۆژی‌ یه‌كشه‌ممه‌ 12ی‌ ته‌موزی‌ 2015، به‌هۆی‌ ته‌قینه‌وه‌یه‌ك له‌ خه‌زانێكی‌ هه‌ڵگرتنی‌ یاریه‌ ئاگرینه‌كان له‌هه‌رێمی‌ خیبی‌ باشووری‌ چین، شه‌ش كه‌س گیانیان له‌ده‌ستداو نزیكه‌ی‌ 10 كه‌سیش بریندار بوون.

جگه‌ له‌زیانه‌ گیانییه‌كان ئه‌و ته‌قینه‌وه‌یه‌ زیانی‌ مادی‌ زۆریشی‌ به‌دوای خۆیدا هێناوه‌ و شووشه‌ی‌ په‌نجه‌ره‌ی‌ ماڵ و باڵه‌خانه‌كانی‌ ده‌وروبه‌ری‌ خه‌زانه‌كه‌ به‌دووری‌ یه‌ك كیلۆمه‌تر شكاون.

به‌پێی‌ زانیاریه‌كانی‌ ته‌له‌فیزیۆنی‌ فه‌رمی‌ چین هۆكاری‌ به‌هێزی‌ ته‌قینه‌وه‌كه‌ زۆری‌ یاریه‌ ئاگرینه‌كان بووه‌ له‌و خه‌زانه‌.